સુરત જિલ્લામાં મેડીકલ ઈમરજન્સીના કારણે મુસાફરી કરવા માટેની પરવાનગી અંગેની અરજી ઓનલાઈન કરવીઃ જિલ્લા કલેકટર ડો.ધવલ પટેલ

સુરત જિલ્લામાં મેડીકલ ઈમરજન્સીના કારણે મુસાફરી કરવા માટેની

પરવાનગી અંગેની અરજી ઓનલાઈન કરવીઃ જિલ્લા કલેકટર ડો.ધવલ પટેલ

કલેકટર કચેરીમાં રૂબરૂ આવવું નહીઃ

સૂરતઃ સોમવારઃ- હાલમાં કોરોના કોવિડ-૧૯ના કેન્દ્ર સરકારના લોકડાઉન આદેશના કારણે સુરત જિલ્લામાં લોકોની બિન જરૂરી અવર-જવર પર પ્રતિબંધ મૂકવામાં આવ્યો છે. આવા સંજોગોમાં ખાસ આવશ્યક કારણો જેવા કે, મેડીકલ ઈમરજન્સીને કારણે સુરત જિલ્લામાંથી મુસાફરી કરવા માટે પરવાનગી લેવા માટેની અરજ Collector-sur@gujarat.gov.in અથવા 54.magsurat@gmail.com પર કરવી. અરજી જરૂરી પુરાવા સાથે સ્પષ્ટ વિગતો (નામ, વાહન નંબર, સ્થળ) સાથે ઈ-મેઈલ પર અરજી કરવાની રહેશે. અરજી પર નિર્ણય લઈ મંજુર કે નામજુંરની વિગતો ઈ-મેઈલ પર મોકલી આપવામાં આવશે. મંજુરીના કિસ્સામાં પરવાનગી PDF  ફોર્મેટમાં ઈ-મેલથી મોકલી આપવામાં આવશે. જે ઈ-પરવાનગી તરીકે માન્ય ગણાશે જેથી ફિઝીકલ કોપીનો આગ્રહ રાખવો નહી. અરજી કરવા માટે કલેકટર કચેરીએ કોઈએ રૂબરૂ આવવું નહી. જો કોઈ રૂબરૂ આવશે તો જાહેરનામાના ભંગ બદલ કાર્યવાહી કરવામાં આવશે. ઈ-મેઈલ સિવાયની અરજીઓ ધ્યાને લેવામાં આવશે નહી જેની નોંધ લેવા સુરત જિલ્લા કલેકટર ડો.ધવલ પટેલ દ્વારા જણાવાયું છે.